Iker Larrazabal amurrioarrak jarraitzen du urrats irmoak ematen pilota profesionalean eta larunbatean 4 1/2 Eusko Label Txapelketa jokatuko du Aretako frontoian. Berez, Baiko enpresak hautatu du hamabi hautagaien artean aritzeko.
Lehenengo partida Jakaren kontra izango da, baina kanporaketa gaindituta, final laurdeneko ligaxkan sartuko litzateke. Hor Ezkurdia izango litzateke aurkarietako bat eta balizko beste pilotarien artean Urrutikoetxea edota Salaberri egongo lirateke.
Arkaitz Eskuza ere bai
Larrazabalen presentzia gutxi izango balitz, arratsaldeak beste hitzordu interesgarria utziko du 17:15etik aurrera. Izan ere, Arkaitz Eskuza laudioarrak Alberdi izango du bere alboan eta Zubizarreta III-Morgaetxebarria bikotearekin neurtuko dituzte indarrak.
Sarrerak 25 euro balioko du, baina Aiaraldea Komunikabideak sarrera bikoitza zozkatuko du hemen ostiralean goizean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
