Euskadiko Gazteriaren Kontseilua Laudion egongo da ‘2030 Agenda’ ezagutarazten, ‘scape room’ baten bidez

Txabi Alvarado Bañares 2023ko urriaren 10a

Karpa baten barruan atonduko dituzte erakusketa zein 'scape room'-a. / EGK

Urriaren 12 eta 15ean egongo da scape room-a Alberto Acero plazan, 11:00etatik 14:00etara, eta guztiz doakoa izango da. Horrez gain, erakusketa bat ere jarriko dute, hilaren 17ra arte ikusgai egongo dena.

Erakusketa ibiltaria atondu du Euskadiko Gazteriaren Kontseiluak ‘2030 Agenda’ gazteen artean ezagutarazteko, eta Laudioko Alberto Acero plazan jarriko du urriaren 12tik 17ra bitartean, karpa baten barruan. 12:00etatik 19:00etara egongo da irekita.

Horrez gain, scape room bat ere atonduko dute kontseiluko kideek. Ekimen hori hilaren 12 eta 15ean egongo da, toki berean, 11:00etatik 14:00etara. Nabarmendu dutenez, parte hartzea “erabat doakoa” izango da. “Bertan izena emateko agenda2030@egk.eus helbidera idatzi edo besterik gabe karpara hurbildu daiteke jendea, jolaserako lekurik dagoen ikusteko”, zehaztu dute.

‘2030 Agenda Gazte Plazan’ izena jarri diote ekimenari eta xedea, arestian aipatu bezala, "jasangarritasunera begirako helburuak" gazteen artean zabaltzea izango da.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide