Laudioko Gaztetxeko kideek deituta, dozenaka lagun batu ziren atzo arratsaldean Lamuza plazan Palestinaren alde egindako elkarretaratzean. "Palestina libre! Israel hiltzailea!" lemapean, Israel Gazan egiten ari den "sarraski basatia" salatu zuten.
"Hamarkadetan zehar egindako okupazioaz gain, azken egunetan milaka palestinar erail ditu Israelek, baita bertako azpiegitura suntsitu, ospitaleak bonbardatu, elikagai eta elektrizitate suministroak eten…", azpimarratu zuten elkarretaratzeko hitzartzean.
NATOk Ekialde Hurbilean dituen interesak ere salatu zituzten, eta baita Europak eta Espainiako Estatuak erakutsitako jarrera ere: "bakearen negoziazioaren eta nazioarteko zuzenbidearen inguruan hitz egiten duten bitartean, Israelen eta NATOren politika terroristari babes osoa eman diote".
Azkenik, mobilizatzearen beharra azpimarratu zuten, palestinar herriaren aldeko manifestazioek Europako zenbait herrialdetan izan duten debekua salatuz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide