Aretako Familiak taldeak ekintza mordoa antolatu zuen asteartean Gau Beltza ospatzeko. "Aretako eskolan, Aretako emakumeak taldea antolatuta, Lolaren bizikleta publiko guztientzako abentura barregarrian oinarritutako tailerra izan genuen. Hiru egileetako batekin, Albarekin, arratsaldea partekatzeko plazerra izan genuen. Alba Barbé i Serra gizarte hezitzailea eta antropologian doktorea da. Hezkidetzan, material pedagogikoen sorreran eta genero indarkeria desagerrarazteko ekintzetan aditua da. Cosquillas eta Siren's Tail ipuinen egilekidea da, eta horien artean Gaudi sarietarako izendatutako film labur bat egin du. Albak, oso tailer interesgarri baten bitartez, haurtzaroan edozein tratu txar antzemateko hainbat gako eman zizkigun", azaldu dute gurasoek.
Gero tailerrak eta disko dantza izan zituzten, baina berritasun nagusia Xanduli Manduli mapa izan zen: "Gozokiak eskaintzeko eta parte hartzeko prest zeuden saltoki guztiekin (ileapaindegia, farmazia, tabernak, dendak...) mapa osatu genuen. Taldeak antolatu eta mapari jarraituz ibilbideari ekin genion "Xanduli manduli kirrikiki emon gozokiak guri" esanez. Kultur etxean pintxoak eta edariak egon ziren. Beti bezala, azpimarratu behar da Aretako familia guztien parte hartze handia, inplikazioa eta umore ona. Oso giro polita osatu genuen guztion artean. Aretako saltoki guztiei ere eskerrak eman nahi diegu Aretan prestatzen ditugun ekintza guztietan beti parte hartzeko prest daudelako".
Argazkiak: Aretako Familiak