Datorren asteazkenean, azaroak 17, 20:00etan, Laudioko Udalak bilera irekia deitu du Herriko Plazako Erabilera Anitzeko aretoan, Abastos Plazaren eraberritzeko proiektuan sartu beharreko hobekuntzak aztertzeko.
Gobernu Taldeak urrian iragarri zuen bezala, obrei funts propioekin ekingo zaie, proiektua finantzatzeko formula berriak bilatzeari uko egin gabe, eta hasierako proiektuak aurreikusten ez zituen elementu historiko batzuk kontserbatuko dira.
Behin baserritarrek okupatu zuten lekua ere berreskuratu nahi du proiektuaren proposamenak. Horregatik guztiagatik, herritar guztiak, merkatariak eta lehen sektorea gonbidatu nahi dira topaketan parte hartzera.
Proiektuaren hobekuntzen lehen zirriborroa aurkezteaz gain, bertaratzen den jendearen ekarpenak ere jasoko dira. "Pena da horrelako ekimenak alarmismoa elikatzeko erabili izana, proiektua benetan nola garatu den islatzen ez duten informazioak zabalduz. Gobernu taldetik berresten dugu proiektu honekin konprometituta gaudela, Laudiorako ezinbestekotzat jotzen dugu, inguruaren hiri-berroneratzea eta balioa ematea bilatzen duelako "adierazi du Ainize Gastaka alkateak.