Laudioko Igandean Bidatza motor taldeak eta inguruko beste batzuek ibilaldi turistikoa egin nahi dute 2024ko udaberriko igande batean. Berez, ideia ez da guztiz originala, aspaldi horrelako egitasmoa antolatzen baitzen.
Motorzaleen asmoa da Laudion hastea, eta Okondo, Arespalditza, Artziniega (han geldialdi bat eginez alde zaharra ezagutzeko), eta Aiara zeharkatzea. Kexaan hamaiketakoa egingo dute gero eta Maroñora joko dute, gero Belandiako errepidea hartzeko. Urduñan beste geldialdia egingo dute eta 14:00etan Laudion egongo dira.
Antolatzaileek informazioa banatuko dute eskualdetik kanpo datorren jendearentzat: "Gure helburua da Bizkaiko eta inguruko motorzaleei gonbidatzea", nabarmendu dute.
Abenduaren 12an bazkaria
Hori guzti hori antolatzeko, lehenik eta behin, batzordea osatu nahi dute. Horretarako hurrengo urratsa izango da abenduaren 12an elkartzea. Araba Garagardotegian batuko dira eta Haitzulo Barrira joango dira gero. Bazkaria egingo dute 14:30ean. Interesdunek izena eman beharko dute 658 734 862 edo 630 493 431 telefono zenbakietan.
Batzorde horretan parte hartzeko ez da beharrezkoa motor klub batean egotea, sustatzaileek adierazi dutenez.
Bide batez, antolatzaileek minutuko isilunea egin dute gaur, Patxo Pozoren oroimenez, aste honetan zendu baita.