'Artxibo Biluzia' - Metrokoadroka sormen laborategiaren lan berria

Erabiltzailearen aurpegia Kultur Faktoria 2023ko aza. 16a, 10:27

Izan daiteke dokumentu bat akzio fisikoaren detonantea? Hutsik geratutako karpeta bat, antzerkiaren bidez bete daiteke? Artxibo biluzia da Metrokoadroka sormen laborategiaren antzezlan berriena, eta igande honetan egongo da ikusteko aukera Arte Hartze Zikloaren barruan, Aiaraldea Ekintzen Faktorian.

Obra ez dago erabat bukatuta, baina publikoaren aurrean antzeztera animatuko dira Metrokoadroka sormen laborategiko kideak. Sortze prozesuaren une aurreratuan daukate antzezlana, ia prest. Publikoarekin solasaldirako irekiko den espazioa "oso interesgarria izango da", esan digutenez. 

Izan ere, Arte Hartze Zikloan, ikuskizunak amaitu eta gero aukera egoten da sortzaileekin hitz egiteko, eta ederrak izan dira une horiek orain arteko emanaldietan, publikoak hainbat galdera eta ekarpen egiten baititu oholtzan ikusitakoaz: nola izan zen sortze-prozesua, zer eragin dien, zer sentsazio geratu zaien...

FOREVER eta PANPINA HAUTSIEN DANTZA
Metrokoadrokaren antzezlana igande honetako plater nagusia izango da, baina, aurretik, beste bi pieza ikusteko aukera edukiko dugu. 

Batetik, Maite Aizpurua eta Mejillon Tigre Forever antzezlan piezaren dramaturgia testua idazten ari dira, Faktoriaren sormen bekari esker. Zatitxo bat irakurriko digute, aurrerapen gisa.

Idoia Hernandez 'Hatxe' pianojoleak kontzertu labur bat eskainiko digu aurretik, Panpina Hautsien Dantza. Agertokitik kanpo kokatuko ditu pianoa eta casio-tonea, bere proiektu musikala errezitatzeko: emakumeengan ezarritako etiketak berrinterpretatzea, doinuen eta hitzen bidez.

ARTE HARTZE ZIKLOA
AZAROAK 19 IGANDEA
18:00 - 20:00 Kultur Faktorian

    18:00 Panpina Hautsien Dantza 
    / piano kontzertua - Idoia Hernandez Hatxe
    + Forever, dramaturgia testuaren aurrerapen irakurketa 
    19:00 Artxibo Biluzia
    / antzezlana - Metrokoadroka sormen laborategia
    19:50 solasaldia artistekin

SARRERA 10€  * ikasle eta langabeek 7€
EGITARAU OSOA · labur.eus/artehartzezikloa

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!