Euskararen Etxeak antolatzen duen Hizkibridoak beka irabazi ondoren, unea heldu zaio Piszifaktoria Ideien Laborategiari Hau gerra bat da antzezlana plazaratzeko. Estreinaldia Bilboko Euskararen Etxean izango da azaroaren 29an, eta Laudioko Lamuza parkeko Kasinora eramango dute abenduaren 26an.
Mikel Ayllon zuzendari eta Igor Arzuaga musikari duen Hau gerra bat da antzezlana prest dago jadanik publikoak ikus dezan. Aiaraldeko sortzaileekin batera Irati Agirreazkuenaga eta Iholdi Beristain antzezleak igoko dira oholtzara gerraren barrunbeetan sartzen den lan hori aurkezteko. Antzerkia, dantza, musika eta hitza nahasten ditu obrak, berezitasun batekin: kontakizunaren zenbait unetan, ikusleek erabakiko dute zein bide hartu.
Gerrari buruzko hausnarketa hau egiteko Hizkibridoak beka eskuratu zuen Piszifaktoria Ideien Laborategiak eta Bilboko Euskararen Etxean izango da lehen emanaldia azaroaren 29an. Gero Azpeitiko Sanagustinen (abenduaren 14an) eta Laudioko Kasinoan (abenduaren 26an) ikusi ahal izango da.
Gerraren eta haren alderdi desberdinei buruz taldea egiten ari den hausnarketa artistikoaren barruan kokatzen da pieza berria. Aurretik, Bunker, formatu txikiko ikuskizuna, eta Hau ez da gerra bat, formatu handiko antzezlana, estreinatu zituen konpainiak. Hain zuzen ere, abenduaren 2an, larunbatean, 20:00etan, Hau ez da gerra bat Amurrio Antzokian eskainiko dute. Bikote haustura bat eta gerra baten hasiera nahasten ditu kontakizunak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
