GPSaren azalpenak jarraiki, Lamuza Parkeko zubi baten eskaileretan harrapatuta geratu da gidari bat

Aitor Aspuru Saez 2023ko azaroaren 28a
Deskargatu Info Ahotsak :

Garabi baten laguntza behar izan du gidariak. / Aiaraldea.eus

Gaur goizean gertatu da istripua eta irudia bolo-bolo zabaldu da sare sozialen bidez.

Gaur goizean, 10:00ak baino lehen, gidari batek istripua izan du Lamuza Parkeko zubi batean, zehazki, Ugarte auzoan dagoen batean.

Gidariak lan bat aurkeztu behar zuen Kasinoan eta kanpokoa denez, GPS baten azalpenak baliatu ditu bidea egiteko. Gailuak adierazi dio zubi hori zeharkatu behar zuela, albokoa igaro ordez.

Autoaren jabeak berak Aiaraldea Komunikabideari azaldu dionez, arraroa iruditu zaio hori izatea bidea, baina bezeroari deitu dio eta honek ziurtatu dio zubia zeharkatu behar zuela.

Aurrera egin du autoarekin eta ibilgailua harrapatuta geratu da eskaileretan. Izan ere, ezin zuen ez atzera ez aurrera egin.

Udaltzainak bertaratu dira parkera eta aipatu diote gidariari ez diotela inolako isunik jarriko. Handik gutxira agertu da garabia eta autoa eraman du.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide