Igandean jokatutako Aiaraldeko derbiak kirol biktimak utzi ditu Ellakurin. Izan ere, Amurrio Clubaren garaipenak sakondu du laudioarren emaitzen krisialdian (hamaikagarren porrota izan da, eta azken sailkatua lau puntura dute) eta horrek aldaketak ekarri ditu entrenatzaileen artean.
Gauzak horrela, CD Laudiok erabaki du, David Lararekin eta Mikel Zabalondorekin batera, eurek alde batera egitea eta Ander Rodriguez eta Gorka Martinezi entrenatzeko ardurak ematea.
CD Laudiok adierazi du pozik egon dela Lara eta Zabalondoren lanarekin, baina garaipenak lortu ez dituztela ikusita, Rodriguez eta Martinezi eman diete aukera.
Entrenatzaile berriak CD Laudioko jokalariak izan dira eta Ellakurira heldu baino lehen, CD Ugaoko gazteak, CD Orduña eta CD San Prudencio entrenatu dituzte. Azken bi klub horiekin kategoria igoerak eskuratu zituzten gainera.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
