Euskararen Nazioarteko Egunak adostasun politikorako eta merkatarien aitortzarako balio izan du Laudion

Erredakzioa 2023ko abenduaren 2a
Deskargatu Info Ahotsak :

Euskararen Nazioarteko Egunaren adierazpen instituzionalak batasun politikoa islatu ez ezik, aniztasun funtzionalaren aldarrikapenei tartea egiteko eta euskararen alde ari direnak aitortzeko ere balio izan zuen Laudion.

Euskararen Nazioarteko Eguna ospatu zuten atzo Laudioko Aldai plazan. Lehenik eta behin, herriko ikastetxeko zenbait gaztek euren mezuak zabaldu zituzten.

Gero, udalean ordezkaritza duten alderdi guztiek adierazpen instituzionala irakurri zuten: EH Bilduk, EAJk, Omniak eta PSE-EEk.

Testuak salatu zuen epaileen oldarraldia euskararen kontra eta, bide batez, aldarrikatu zuten batasun eta adostasun politikoa beharrezkoa dela euskararen alde. Halaber, hizkuntza egunerokotasunean erabiltzeko behar den konpromisoa aipatu zuten.

Horren ostean, Maialen Solaunek hartu zuen hitza eta braillez idatzitako testua irakurri zuen, Aniztasun Funtzionalaren Naziorteko Eguna ere batu baitzuten ekitaldira.

Azkenik, Lur eta Olimpus denden arduradunak aitortu zituzten, euskararen erabilera merkataritzan sustatzeagatik.

Argazkiak: Laudioko Udala

Euskara Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide