2,25 milioi euro utzi ditu 'El niño' loteriak Laudion

Erredakzioa 2024ko urt. 6a, 14:17
Deskargatu Info Ahotsak :

"Kaleko jendeari" egokitu zaio saria, Resa Etxeak nabarmendu duenez. / Aiaraldea.eus

Lehen eta hirugarren sarien 20 dezimo saldu ditu guztira Laudioko Resa Etxeak.

Jai giroa nagusitu da gaur eguerdian Laudioko Resa Etxean, Espainiako loteriaren ‘El niño’ zozketaren lehen eta hirugarren sarien hainbat dezimo saldu baitituzte bertan. Lehen saria 94974 zenbakiarena izan da eta 200.000 euro jasoko ditu dezimo bakoitzak. Hirugarren saria, aldiz, 57033 zenbakiarena izan da, eta 25.000 euro banatuko dituzte dezimo bakoitzeko.

Orotara, Resa Etxeak hamar dezimo saldu ditu zenbaki bakoitzeko. Hau da, guztira, 2,25 milioi euro banatuko ditu, 2 milioi euro lehen sariarekin eta 250.000 euro hirugarrenarekin.

Laudioko loteria saltokiko kideak oso pozik azaldu dira. Azaldu dutenez, txartel gehienak leihatilan bertan saldu dira. “Kaleko jendeak jaso du saria gehienbat”, nabarmendu dute, “Gabonetako zozketan sari txiki asko banatu genituen, eta horiek jasotzera etorri ziren askok hartu zuten dezimoa”. Hainbat bizilagun animatu dira Resa Etxera gerturatzera, eta xanpain artean ospatu dute gertakaria, hainbat komunikabideren aurrean.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide