Gaur gaueko 03:00ak aldera Ertzaintzak 31 urteko gizonezkoa atxilotu du Laudion 200 gramo kokaina baino gehiago edukitzeagatik.
Ohiko trafiko kontrol batean izan da gertakaria eta, poliziak adierazi duenez, bi lagun zeuden ibilgailuan: "Horietako batek, ibilgailutik jaistean, poltsa susmagarri bat utzi du atzeko eserlekuan eta agente batek jaso eta substantzia estupefazientea zela egiaztatu du, zehazki kokaina".
Droga kopurua atzeman ez ezik, 1.300 euro ere aurkitu dituzte billeteetan eta agenteek zalantzan jarri dute diru horren jatorria.
Gauzak horrela, atxilotua komisaldegian dago eginbideak amaitu arte eta gero epaitegira eramango du Ertzaintzak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
