Zauritu bat Laudioko Izoria kaleko etxebizitza batean piztutako sutean

Erredakzioa 2024ko urtarrilaren 18a
Deskargatu Info Ahotsak :

Bizilagunak kalean itxaroten geratu behar izan dira egoera bideratu bitartean. / Aiaraldea.eus

Etxebizitza bloke osoa eta behean dagoen akademia hustu dute egoera bideratu bitartean. Suhiltzaileek sua itzali dute dagoeneko, baina kea kentzen ari dira.

Pertsona bat zauritu da Laudioko Izoria kaleko etxebizitza batean piztutako sutean. Zaurituak erredurak ditu suaren ondorioz eta Galdakaoko ospitalera eraman dute artatzera. Ertzaintzak Aiaraldea Komunikabideari jakinarazi dionez, ez dute erreduren larritasun mailaren gaineko informaziorik. 

Poliziak Aiaraldea Komunikabideari zehaztu dionez, 19:55ak aldera jaso dute abisua. Etxebizitza bloke osoa hustu dute, beheko aldean dagoen akademia barne.

20:20etarako sua itzalita zegoen, baina bizilagunak ezin izan dira berehalakoan sartu, ke guztia kentzen ari baitira suhiltzaileak. Albiste hau idatzi den unean (20:45) egoera oraindik ez da guztiz bideratu zentzu horretan, jada arriskurik ez dagoen arren.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide