Gorputz disidenteek hartuko dute Orbeko Etxeko oholtza, 'drag' ikuskizun batekin

Aimar Gutierrez Bidarte 2024ko otsailaren 1a
Deskargatu Info Ahotsak :

Bilboko Karmela espazioan antolatzen den 'drag' taldea da Ay Dragmela. / Ay Dragmela

Drag Show-a eskainiko dute bihar Orbeko Etxean Ay Dragmela eta Bilerabi kolektiboetako kideen eskutik. Gorputz disidenteak lehen lerrora ekarri eta borroka aliantzak estutzea dute helburu.

"Somos la Santa Inqueerseccion" izenarekin Drag Show-a eskainiko dute bihar Laudioko Orbeko Etxean, 17:00etatik aurrera. Bilerabi eta Ay Dragmela kolektiboek antolatu dute ekimena. 

"Aliantza bibolloa" hizpide, mahai-inguru batekin ekingo diote egitarauari. Espazio disidenteetan borroka aliantza berriak ehuntzea izango dute helburu solasaldian. Jarraian, Bilerabi kolektiboak antolatuta, hainbat jolas egingo dituzte, eta, jarraian Drag Show-ari emango diote lekukoa.

Drag ikuskizunaz Ay Dragmela kolektiboa arduratuko da. Bilboko Santutxu auzoko Karmela espazioan antolatzen diren pertsona queer eta disidenteek osatzen dute taldea, eta gizartean ezarritako kanonen aurka borrokatzea dute helburu. Ez da Orbekon arituko diren lehen aldia izango, irailean ere igo baitzire baserri okupatuko oholtzara, Txao Titis jaialdian.

Sarrera librea izango da, harik eta 22:30ean Orbeko Etxeko ateak itxiko diren arte.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide