Larunbatean eraso matxista berria salatu dute Laudion. Izan ere, Granja kiroldegian mutilen kadete taldeak jolastu du eta, testuinguru horretan, partidaren epaileak adingabea den neska bati zaplaztekoa eman dio ipurdian, "inolako baimenik gabe", Laudio Eskubaloi Klubak azaldu duenez.
Klubeko arduradunek eurek eman dute erasoaren berri eta jakinarazi dute berehala esku hartu dutela. Horrela, eraso matxista jasan duen neska zein familia animatu dituzte gertakaria salatzera eta hala egin dute.
Ondorioz, Ertzaintzak kirol azpiegiturara jo du eta deklarazioa hartzeko eraman du erasoaren ustezko egilea.
Epailea Laudio Eskubaloi Klubeko entrenatzailea zen eta kirol erakundeak berehala kanporatzea erabaki du. Halaber, klubak horrelako jarrerak gaitzetsi ditu eta salatzeko deia zabaldu du.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
