Arabako Bertso Txapelketaren lehen faseko azken kanporaketa jokatuko da Laudioko Kasinoan igandean, 17:30ean. Saio horren emaitzekin jakinaraziko dute zein hamabi bertsolarik lortuko duten finalerdietan lehiatzea, Peru Abarrategik eta Aroa Arrizubietak lortu baitute jadanik.
Laudioko kasuan, herriko ordezkaria arituko da: Izar Mendiguren Cosgaya. Bere aurkariak Iñaki Viñaspre Simon, Felipe Zelaieta Txurruka, Martin Abarrategi Sarrionandia, Asier Otamendi Alkorta eta Unai Anda Delika izango dira.
Izar Mendiguren Cosgayarentzat hitzordu berezia izango da bi arrazoi medio: "Duela 20 urte hasi nintzela txapelketan parte hartzen eta bi edizio kenduta, guztietan egon naizela".
Horrez gain, nahiz eta etxean jokatzeak kontra egin ahal dion urduritasuna sortuta, tokiko bertsolaria gogotasu dabil: "Lehiatzeko eta jolasteko gogoz nago, umorez bada hobeto. Hala ere, txapelketa lehia den neurrian, urduritasuna handia da eta epaileen balorazioaren presioa ere. Saiatu naiz lantzen presio horrek sormenean ez eragiteko".
Aurtengo txapelketari dagokionez, oso positiboa izan da Laudioko bertsolariaren iritzia: "Inoizko txapelketarik lehiatuena eta biziena izaten ari da hau, gazteak oso prestatu eta indartsu datoz eta nire kasuan plazera da belaunaldien arteko zubia izatea eta emakukezmoen ikuspegia eta aldarriak eramatea".