Dozenaka lagun bildu ziren atzo arratsaldean Laudioko Lamuza parkeko Kasinoan Arabako Bertsolari Txapelketaren azken final laudena ikusteko.
Sei bertsolari aritu ziren norgehiagokan, eta Iñaki Vinaspre gailendu zen guztien artean.
Hau izan zen sailkapena:
- Iñaki Viñaspre: 263 puntu
- Asier Otamendi: 251,5 puntu
- Unai Anda: 251 puntu
- Izar Mendiguren: 241,5 puntu
- Martin Abarrategi: 233,5 puntu
- Felipe Zelaieta: 214,5 puntu
Oier Azkarraga Grajales arduratu zen Laudioko saioa aurkezteaz, 13 laguneko gai-jartzaile taldearen ordezkari moduan. Epaile lanetan, aldiz, Ekaitz Elorriaga Anduaga, Aitor Jimenez Tolosana eta Egoitz Iradier Martinez de Albeniz aritu ziren, eta Endika Jimenez Enbeitak bete zuen idazkari funtzioa.
Atzoko saioa igarota, osatuta geratu da finalerdietara igaroko diren bertsolarien zerrenda. Hauek izango dira fase horretan lehiatuko direnak:
- Peru Abarrategi
- Aroa Arrizubieta
- Iñaki Viñaspre
- Ekaitz Samaniego
- Eli Zaldua
- Manex Agirre
- Unai Anda
- Aitor Ugarte
- Asier Otamendi
- Izar Mendiguren
- Paula Amilburu
- Xabi Igoa
Mendiguren izango da Aiaraldeko ordezkari bakarra txapelketan. Martxoaren 2an Dulantziko Kultur etxean egingo den saioan arituko da bertsolari laudioarra, Aitor Ugarte, Aroa Arrizubieta, Asier Otamendi, Paula Amilburu eta Xabi Igoarekin batera. Finala, aldiz, martxoaren 16an izango da, Gasteizko Principal Antzokian, baina ikusteke dago oraindik nortzuk joango diren bertara.
Argazkiak: Arabako Bertsozale Elkartea