ELA sindikatuak jakinarazi du Ecovidrio beira biltzeko enpresaren azpikontratan -ASU- lan baldintzen hobekuntza nabarmena eskuratu dutela sinatu berri duten hitzarmenari esker, 2024-2026 epealdian indarrean egongo dena.
Enpresak 33 behargin dauzka Laudioko egoitzan, eta beste bi egoitza ditu Bizkaia eta Gipuzkoan. Urtebete aritu ziren lan hitzarmena negoziatzen, eta azkenean hamabost eguneko greba proposatu zuen ELAk.
Horren aurrean, elkarrizketak arindu ziren zuzendaritzaren eta sindikatuko ordezkarien artean eta lan baldintzek hobera egin dute. Hobekuntza nabarmenena izan da langile guztien soldatak parekatu dituztela, KPIren araberako igoerak adostu dituztela eta, homogeneizazioaren ondorioz, zenbait langilek %20ko, %30eko eta %40ko gorakada izango dutela ordainsarian.
Horrez gain, lanaldiaren murrizketa ere egon da eta 1826 ordutik 1592ra igaroko dira.
ELAren iritziz, honako hauek dira akordioaren puntu garrantzitsuenak:
- KPIa langile guztientzat, eta soldatak homogenizatzea; kasu batzuetan.
- Soldata igoerak %20, %30 eta %40tik gorakoak dira.
Urteko lanaldia 1826 ordutik 1592ra murriztea. - Gaixotasun arruntagatik aldi baterako ezintasunak modu nabarmenean osatzea.
- Jaiegunetako soldata igoerak.
- Subrogazio bermea hobetzea.
- Seme-alabak dituzten langileentzako hileko dirulaguntzak.
- Langileen batzarretarako ordaindutako orduak.