Aretako Kultur Etxeko batzordeak martxoan antolatutako ekitaldi nagusia izango da hilaren 15ean 21:00etan egingo duten bertso afaria.
Oihana Bartra eta Andoni Egaña izango dira bertsoak sortzeko ardura izango dutenak. Bartra Bizkaiko bertsolari ezaguna da eta Egañak, aldiz, marka guztiak hautsi zituen lau Bertso Txapelketa Nagusi jarraian irabazita: 1993an, 1997an, 2001ean eta 2005ean.
Kultura Etxeko Batzordeak ezinbestekotzat jo ditu horrelako jarduerak: "Garrantzitsua iruditzen zaigu Aretan bizimodua egitea eta bertan ditugun zerbitzuak erabiltzea. Plan bikaina leku zoragarrian".
Afariari dagokionez, batzordeko kideek honakoa iragarri dute: "Herriari bizia emateko asmoz, Tunel jatetxeko jabeak, Juanek, afaria prestatuko du".
Halaber, norbaitek dieta bereziaren beharra izanez gero (zeliakoa, barazkijalea edota beganoa) aretakulturaetxea@gmail.com helbidera idazteko aukera izango du.
Menua, printzipioz, honako hau izango da:
- Entsalada
- Sukalkia
- Postrea (kafea eta kopa barne)
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
