Laudio Institutuak 72 eguzki panel instalatu ditu frontoiko teilatuan

Aitor Aspuru Saez 2024ko otsailaren 29a
Deskargatu Info Ahotsak :

Instalazioen irudia. / Laudio Institutua

72 panel jarri dituzte eta horiekin, batez beste, 41 kWp ekoiztea lortuko dute. Horrela, energia berriztagarrien alde egin eta ikastetxeko argindarraren gastua gutxituko dute.

Laudio Institutuak 72 eguzki plaka instalatu ditu frontoiaren teilatuan eta 41 kWp sortuko ditu horri esker.

Esku-hartzeari aurre egiteko, Eusko Jaurlaritzako Hezkuntza Sailak Europar Batasunetik jasotako dirulaguntza emango dio ikastetxeari; 31.050 euro, hain zuzen ere. Inbertsioaren kostua, BEZa barne, 44.082,72 eurokoa izan da eta bi urtetan amortizatzea aurreikusi dute.

Zuia Ingenieritza enpresak jarri du azpiegitura. Urtarrilean hasi zituzten lanak eta otsailaren 14tik daude funtzionamenduan.

Aurretik ere ikastetxeak bazituen azpiegitura fotovoltaikoak, baina ez barne kontsumorako, Energiaren Euskal Erakundeari saltzeko baizik.

Ingurumena Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide