Lagunarteko 4x4 hockey txapelketa egingo dute bihar eta nahi duenak parte har dezake

Aitor Aspuru Saez 2024ko apirilaren 5a
Deskargatu Info Ahotsak :

2008 eta 2015 urteen artean jaiotako ume eta gazteei begira antolatuko dute txapelketa eta Granja Udal Kiroldegian bertan eman daiteke izena, norgehiagoka hasi baino lehen.

Arabako Hockey Federazioak Udaberriko Hockey Txapelketa egingo du bihar Granja Udal Kiroldegian 10:30etatik aurrera. Hitzordu berezia izango da, zaletasuna eta parte hartzea izango baitute helburu, lehiaketa baino.

Berez, izena emateko, nahikoa izango da egunean bertan 10:30ak baino lehen agertzearekin. Taldeak lau kidekoak izan beharko dira eta neskek eta mutilek osatutakoek puntu gehiago izango dituzte.

2008 eta 2015 urteen artean jaiotako edozein lagunek parte har dezake, ez da beharrezkoa esperientzia izatea hockeyan eta jokatzeko material guztia Ganbegi klubak eta Arabako Federazioak jarriko dute. Hortaz, nahikoa izango da kirol arropa janztearekin.

Jarduera honekin Pazko Astean egindako Kanpusari jarraipena eman nahi diote, hockey zaletasuna sustatzen jarraituz.

Goiko argazki galerian ikusi daitezke Kanpusean zehar hartutako irudiak.

Argazkiak: Ganbegi Hockey Taldea

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide