Maiatzean Abastos Plaza berriaren obrak hasiko dira; eta Udala lanean dago jada gaur egun merkatuan aktibo dauden hiru negozioak birkokatzeko. Horrela, eta obrak luzatzen diren bitartean (20 hilabete luzatzea aurreikusten da), hiru postuak Zubiko Kurajo kaleko 2. zenbakira aldatuko dira. Lekualdaketaren ondorioz, gerta liteke aldi baterako zerbitzurik ez izatea; nolanahi ere, horren berri Udalaren ohiko komunikabideen bidez emango da.
Lokala egokitzeko Laudioko Udalak 40.000 euro inbertituko ditu eta, gainera, alokairu-gastuak (24.200 euro) ordaintzeaz arduratuko da. Lokalak 240 m2 izango ditu eta bertan Mari Paz eta Ana María urdaitegiak eta Toñi arrandegia egongo dira.
Abastos Plazako obren dimentsioagatik, bai eta inguruko zuhaitzen egungo osasun-egoera dela eta, Udalak ezin izango ditu mantendu; baina bai hasierako proiektuak aurreikusten ez zituen tokiko elementu historikoak, hala nola iturriak, harrizko lauzak edo harlanduak. Eta behin baserritarrek hartu zuten espazioa berreskuratuko da.
Era berean, Udalak bilera irekia deitu du maiatzaren 8rako, 20:00etan Herriko Plazako Erabilera Anitzeko Aretoan, obraren xehetasun guztiak azaltzeko merkatariei, plazako bizilagunei eta tokiko lehen sektoreari.