Karate titulazio gorenena jaso du Angel Dazak

Erredakzioa 2024ko maiatzaren 7a
Deskargatu Info Ahotsak :

Angel Dazak urteak daramatza Araba Karate Cluba zuzentzen. / Araba Karate Club

3. mailako titulazioa jaso du laudioarrak, eta horrek aukera emango dio Araba Karate Cluba zuzentzen jarraitzeko. 

Karateko 3. mailako titulua eskuratu du Angel Dazak. Araba Karate Clubeko maisuak nabarmendu du titulu hori dela kirol horretan jaso daitekeen gorenena, eta beharrezkoa izango dela hemendik aurrera, lege berriak titulu hori eskatuko dielako cluben arduradunei. 

Horrez gain, Graduen Auzitegi Nazionaleko epaile titulazioa ere eskuratu du Dazak, eta horrek aukera emango dio epaile lanak egiteko Gerriko Beltzetako azterketetan. 

Modu horretan, Laudioko karateka beteranoak beste mugarri esanguratsu bat jarri du bere ikasketa prozesuan. Hauek dira bere ibilbide osoan zehar eskuratu dituen titulu eta lorpenak: 

  • 4. Dan Karateko gerriko beltza
  • 1. Dan Goshin gerriko beltza
  • 3. mailako entrenatzailea
  • Graduen Auzitegi Nazionaleko epailea
  • B mailako Arbitro Nazionala
  • Arabako Karate Federazioko presidentea

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide