Eurek egindako xaboiak saldu dituzte gaur La Milagrosa Ikastetxeko 2. DBHko gazteek. Elkartasun azoka 08:45ean eta 12:45ean antolatu dute eta bildutako dirua tokiko Caritasi emango diote. Xaboiren bat geratuz gero, bihar goizean ere salgai jarriko dute.
Gazteek glizerinazko xaboiak ekoiztu dituzte eskuz, olio esentzialak erantsita (labanda, tearen zuhaitza, yuzu, mendafina, menta piperita zein litsea). Hizkuntzen eta zientziaren saila barne hartzen duen diziplinarteko proiektuaren barruan garatu dute egitasmoa, elkarlanean oinarrituta. Bertan, ikasleek gutun formalak egin behar izan dituzte ikastetxeko zuzendaritzarentzat; olioei buruzko azalpen-testuak osatu, eta xaboiak egiteko jarraibideak zehaztu, eta horien salmentaren berri eman behar izan dute.
Ondoren, albiste bat idatziko dute gertatutakoaren berri emateko. Era berean, aurrekontuak, eskaerak eta balantzeak egin dituzte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide