Laudioko elkarteen dirulaguntzen kudeaketa kritikatu du EAJk

Erredakzioa 2024ko maiatzaren 11
Deskargatu Info Ahotsak :

EAJko kideak, artxibo irudi batean. / EAJ

Oposizioko taldeak salatu du oraindik hainbat taldek ez dutela jaso ekarpen ekonomikoa, euren jarduerak burutu arren.

Laudioko EAJk eraginkortasun falta leporatu dio EH Bilduk eta Omniak osatzen duten udal gobernu taldeari. Jeltzaleek adierazi dute onartezina dela hainbat elkartek euren dirulaguntza jaso ez izana, nahiz eta ekintzak gauzatu.

Oposizioko talde nagusiaren aburuz, konpromiso falta adierazteaz gain, udalerriko sare soziokulturala arriskuan jartzen du horrek.

Jeltzaleek aldarrikatu dute aurreko gobernu taldeak urte hasieran ematen zituela laguntzak eta, halaber, adierazi du %15eko igoera ez dela gauzatu talde guztietan.

Hori dela eta, EAJk exijitu dio EH Bildu eta Omniari premiazko neurriak hartzeko esparru horretan.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide