Hiru urte igaro dira Aiaraldea Ekintzen Faktoriak bere ateak ireki zituenetik eta bi ekimen berezi prestatu ditu hori ospatzeko. Lehenengoa asteburu honetan izango da, maiatzaren 18an eta familia eta umeei zein nerabeei bideratuta dago, bereziki.
Izan ere, Faktoria adin oroko lagunentzako topagunea izan da hiru urte hauetan eta ume eta nerabei dagokienez, Kokoriko Ekintza Faktoriak hartu du horren ardura gehienbat, eta jai hau ez da salbuespena izango.
Horrela, 16:30ean puzgarriak (bi ezberdin ekarriko dituzte), jolas librerako gunea, eskulanak eta zirko gunea egongo dira. 19:00etan pizza tailerraren eta afariaren txanda helduko da eta 20:00etan Wallas magoarena.
Azkenik, gaua Faktorian igaro nahi dutenek, horretarako aukera izango dute, gaubela egingo baita. Ekintza horretan izena emateko Faktoriako webgunea edota 722 22 75 32 telefonoa baliatu daitezke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
