Laudioko EAJk proposamena eramango du Udal Osoko Bilkurara Abasto plazan egin behar diren lanen harira. Izan ere, jeltzaleen aburuz, "merkatarien jarduera lekuz aldatzea behar bezala planifikatu ez izanak arriskuan jartzen du negozioen jarraipena".
Egoera hori kudeatzeko, EAJk eskatuko du koordinazio-mahaia berehala sortzea. Mahai horretan, inplikatutako arloetako teknikariak eta Udalbatzan ordezkaritza duten talde politiko guztietako ordezkariak egongo lirateke, komunikazio erraza eta eraginkorra sortzeko asmoz.
Horrez gain, EAJk aldarrikatu du plazako negozioak kalterik gabe birkokatu behar dituela Udalak, lokal egokiak bermatuta eta baimen guztiekin. "Obrek merkatariak jarduera uztera behartzen badituzte, etenaldi hori bost egun baino gehiagoz ez luzatzeko" eskatu du Ander Añibarro bozeramaileak, eta sortutako balizko galera ekonomikoengatik negozioei konpentsatzea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
