APILL elkarteak antolatuta eta Laudioko Udalak babestuta, bihar ospatuko dute Merkataritza Eguna. Hitzordua ez da ospakizun hutsa izango (nahiz eta jai izaera izan neurri batean) tokiko merkataritza ikusaraztea eta bertan kontsumitzea baita ekimenaren helburua.
Horretarako, pegatinak banatuko dituzte APILLeko 130 establezimendutan, Laudion bizi, Laudion erosi. Yo compro en Llodio leloarekin. Halaber, elkarretaratzea egingo dute 20:15ean, herriko negozioak babesteko.
Egitarau osoa
Aldarrikapena, dena den, aisialdiarekin uztartuko dute. Dendek goizeko lehen ordutik aterako dituzte euren produktuak kalera. 17:00etan hasita 18:30ak arte, kale animazioa egongo da 65 urtetik gorakoentzako 1.000 euroko erosketen karruselaren txartelari lotuta.
18:30ean, aldiz, DJ Pacok umeentzat berotuko du giroa eta tarte horretan Gorobel Kirolguneak Alberto Acero plaza hartuko du zenbait erronkarekin.
Azkenik, Placton taldeak eta DJ Kelmenek musika emanaldia eskainiko dute plaza berean, 20:30etatik aurrera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
