CD Laudioko ohorezko gazte taldea Euskal Ligara igo daiteke gaur

Aitor Aspuru Saez 2024ko ekainaren 1a

Mailaz igotzeko aukerak ditu CD Laudioko ohorezko gazte taldeak. / CD Laudio

SD Retuerto Sport eta Real Union izango dira laudioarren aurkariak eta 45 minutuko partidak jokatuko dituzte.

Gaur 17:00etatik aurrera Euskal Ligako ohorezko gazte kategorian toki bat eskuratzeko jokatuko dute CD Laudio, SD Retuerto Sport eta Real Union klubek Ellakurin.

Hirurak izan dira bigarrenak euren herrialdeko ligetan eta lehen sailkatuek igoera automatikoa eskuratu ondoren, arabarrei, bizkatarrei eta gipuzkoarrei egokituko zaie lehiatzea Euskal Ligan egoteko hurrengo denboraldian.

Horretarako, hiruki ereduko txapelketa jokatuko dute, 45 minutuko partidekin. Arratsaldea Retuerto eta Real Unionen arteko norgehiagokarekin abiatuko dute 17:00etan. Galtzen duenak CD Laudiorekin neurtuko ditu indarrak 18:00etan eta lehen partidako irabazleak laudioarrekin izango du hitzordua 19:00etan.

Sarrera doakoa izango da eta klub laudioarrak zaleei zabaldu die deia, giro aparta sor dezaten harmailetan.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide