"Laudion bizi eta erosteko" aldarria, plazara

Txabi Alvarado Bañares 2024ko mai. 31a, 23:06
Deskargatu Info Ahotsak :

Dozenaka merkatari eta ostalari bildu dira Alberto Acero plazan eginiko elkarretaratzean. 

Herrian bizi eta kontsumitzeko deia luzatu dute gaur Laudion eginiko Merkataritza Egunean. Apill elkarteak antolatu du egitasmoa, eta hainbat negozio batu dira deialdira. Saltokiek kalera atera dituzte euren produktuak egun osoan zehar, eta arratsaldean hainbat jarduera egon dira herria girotzeko. Haurrentzako animazioa edota kirol erronkak antolatu dituzte, besteak beste.

Baina arratsaldeko zortzietan bildu da jende gehien. Ordu horretan jaitsi dute pertsiana herriko denda askok, eta aukera hori baliatu dute elkarretaratzea egiteko Alberto Acero plazan. 

Tokiko merkataritzaren aldeko mezua zabaldu dute mobilizazioan:

“Tokiko negozioetan erostea aukeratzen dugunean gurekin batera bizi eta lan egiten duten pertsonen enpleguari eusten laguntzen ari gara eta Laudioko ekonomia indartzen ari gara”, nabarmendu dute Apill-eko bozeramaileek.

Euren ustez, Laudion egiten den erosketa bakoitza  “herriaren etorkizunaren aldeko inbertsioa” da, "garapen iraunkorrarekin dugun konpromisoaren adierazpena". Gauzak hala, “lokalean pentsatzeko” deia luzatu dute, “herri seguruagoa, jasangarriagoa eta alaiagoa” lortzeko. 

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide