🔴 AMURRIOKO UDALAK DIRU-LAGUNTZA KENDU DIO ESKUALDEKO EUSKARAZKO KOMUNIKABIDE BAKARRARI 🔴
📝 Eman atxikimendua eta babesa Aiaraldea Komunikabideari, hemen sinatuta 👇
www.labur.eus/amurrioneuskarazbizinahidugu
📍 Ekainak 21, ostirala, AGERRALDI HERRITARRA Amurrioko Juan Urrutia plazan, 19:30ean.
Omniak prentsa oharra argitaratu du gaur jakinarazteko zergatik igaro den udal gobernu taldetik oposiziora. Alderdi independenteak honakoa azaldu du: "Erabakiak egikaritzeko eta kudeatzeko moduan erabateko adostasunik ez egotea arazo bat da Udalarentzat, eta erantzukizunez, zuzeneko kudeaketatik urruntzeko erabakia hartu dugu".
Hala ere, ez dute EH Bildurekin harremana apurtu eta "haiekin dagoeneko adostuta eta martxan dauden gaietan aurrera egiten jarraitzeko" asmoa iragarri dute.
Horrela, oposizio aktiboan arituko direla aipatu dute Omniako kideek. Finean, euren nahia "nortasuna galdu gabe ekarpenak egitea" da.
Udal gobernu taldetik kanpo lan egiteko arrazoiei dagokienez, honakoa adierazi dute: "Ezin dugu adostu gabeko erabaki politikorik hartu, iritzi desberdinak izanik horiei buruz. Beraz, orain, oposiziotik, gai bakoitza banaka adostuko dugu Gobernu Taldearekin, udal gai guztietan gure arrasto politikoa bermatuz. Udal egunerokotasunean lagunduko dugu, dagokion neurrian. Halaber, prest egongo gara bi taldeek aurkeztuko ditugun mozioak beraiekin adosteko".
Gobernuan izandako eskarmentuari buruz, lan gogorra egin dutela eta oso pozik daudela ziurtatu dute. Hala ere, bi taldeen gobernu-ereduak desberdinak direla azpimarratu dute.