Ziurgabetasunez betetako hilabete luzea izan da merkatuko dendarientzat. Izan ere, ekain hasieran lekualdatu ziren Laudioko Merkatuko negozioak Abastos plazatik Zubiko Kurajo kaleko 2. zenbakira. Euren ohiko jarduna geldirik egon da geroztik, espazioa egokitzeko lanek iraun duten bitartean.
Hori dela eta, ahalik eta lasterren berriro lanean hasteko gogoz daudela eta ostegunean edo ostiralean irekitzea espero dutela adierazi dute dendariek. Dagoeneko lanari ekiteko dena prest dago Zubiko Kurajoko lokalean, eta argindar hornidura lortzeko zain daude ateak ireki ahal izateko. Bertan hamazortzi hilabetez egongo dira, printzipioz.
Ordutegiari dagokionez, dendak 8:00tik 14:00etara zabalik egongo direla adierazi dute, eta agian baita arratsaldez ere, 17:00etatik 20:00etara, behintzat uztailean zehar, hilabete honetan izandako galerak nolabait berreskuratzeko ahaleginean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide