Abuztuari ongi etorri beroa egiteko aukera hobezina eskainiko dute Ugarteko Jaiek. Lau egunez luzatuko dira Laudioko auzo horretako festak, uztailaren 31etik abuztuaren 4ra, eta ez da ia atsedenik hartzeko aukerarik egongo, ekintza andana egongo baita.
Aniztasuna izango da egitarauaren ezaugarri nagusia. Gustu guztietarako jarduerak bildu dituzte programan. Kirolak, adibidez, presentzia nabarmena izango du, Ugarteko Torneo mitikoko finalak jokatuko baitira asteazken eta ostegunean. Larunbatean, aldiz, pilota partiduak eta herri kirolak egongo dira.
Larunbateko bazkari herrikoiak ere jende andana bilduko duela aurreikusi daiteke, aurreko urteetan izan duen harrerari erreparatuta. Hala ere, gauean pilatuko da jende gehien seguraski, ehunka lagun igotzen direlako urtero parranda egitera, Laudiotik eta eskualdeko gainontzeko herrietatik.
DJ Bafol arduratuko da asteazken eta osteguneko gauak girotzeaz. Ostiralean Lur, Gautaegun erromeria eta HBNk joko dute, eta larunbatean Iraun, Akerbeltz erromeria eta DJ Masa izango dira jaia goizeko ordu txikiak arte luzatzeaz arduratuko direnak.
EGITARAU OSOA
Uztailak 31, asteazkena
09:00 // Herriko plazatik hasita kalejira Lankaietako Lagunak taldearen eskutik
12:00 // Meza elizan
15:00 // Sukalki bazkari herrikoia Gorbea tabernan. Tiketak tabernan bertan salgai uztailaren 28ra arte
17:00 // Benjamin mailakoen futbito txapelketaren finala
18:00 // Alebin mailakoen futbito txapelketaren finala
19:00 // Infantil mailakoen futbito txapelketaren finala
19:30 // Kun Kun batukada auzotik
20:00 // Jai hasierako txupinazo iragarlea
20:30 // Kadete mailakoen futbito txapelketa finala
21:30 // Umorezko bakarrizketak
22:30 // DJ Bafol
Abuztuak 1, osteguna
16:00 // Tute Txapelketa Ugarte tabernan. Izen-ematea 15:30ean tabernan
18:00 // Jubenil mailakoen futbito txapelketaren finala
19:00 // Senior mailakoen futbito txapelketaren 3. eta 4. postuak
19:30 // Arboledako Trikitixa taldearen kontzertua txosnagunean
20:00 // Senior mailakoen futbito txapelketaren finala
Jarraian, sari banaketa
20:30 // Sardinada Auzolan taldearen eskutik
22:30 // DJ Bafol
Abuztuak 2, ostirala
11:00-13:30 // Umeentzako ekintzak Basoa espazioan Kirikiño taldearen eskutik
16:30 // Mus Azkar txapelketa Gorbea tabernan. Izen-ematea tabernan bertan 16:00etan
17:30-19:30 // Umeentzako guneak eta puzgarriak futbito zelaian Kirikinoren eskutik
19:30 // Talo tailerra Auzolan taldearen eskutik
20:00 // Igel txapelketa
21:00 // Zumba Izaskun del Cerroren eskutik
23:00 // Kontzertuak: Lur, Gautaegun erromeria, HBN
Abuztuak 3, larunbata
10:00 // Baserritar eta artisau azoka
11:00 // Pilota partiduak Lamuzako frontoian Herriaren taldearen eskutik.
Laudioko neska-mutilen 3 binakako partidu eta nagusien lehenengo mailako banakako 4 ½ partidua
13:00 // Poteoa Arloteen eskutik
15:00 // San Inazio bazkari herritarra (Tiketak Ugarteko tabernetan salgai).
Jarraian, briska txapelketa eta futbolin txapelketa
18:00 // Buruhandiak Galtzagorriren eskutik
20:00 // Herri kirolak futbito zelaian (Izen ematea 19:30ak arte)
23:00 // Kontzertuak: Deriba, Akerbeltz eta DJ Masa
Abuztuak 4, igandea
13:00 // Tortilla txapelketaren aurkezpena txosnagunean eta sari banaketa
13:30 // Poteoa Aretako Txistularien eskutik
18:00 // Bizkotxo txapelketaren aurkezpena eta jarraian sari banaketa
19:00 // Dantza plaza Itxarkundia dantza taldearen eskutik
20:00 // Odoloste jana Auzolan taldeak antolatua txosnagunean
21:00 // Dantzaldia Baisala taldearekin
23:30 // Jai bukaerako traka