Ilusioa eta ilara luzeak Laudioko Merkatuko denden irekiera dela eta

Maider Ramirez Martin 2024ko uztailaren 12a

40 egun baino gehiago itxita egon ostean, gaur zabaldu dituzte Abastos plazan zeuden hiru negozioek ateak.

Goizeko lehen ordutik hurbildu dira bezeroak Zubiko Kurajora, Abastos plazan egin ohi zituzten erosketak behin-behineko kokapen honetan egitera, eta eguerdirako ilara luzeak zeuden merkatuko dendetan. Aurreko asteetako kezka eta zalantzak alde batera utzi dituzte, beraz, dendariek eta pozez eta ilusioz ekin diote berriro lanari, batez ere, bezeroen harrera zein izan den ikustean.

Oraindik espazio berrira ohitzen ari badira ere, gogoz eta martxa ondo hartuta ari dira merkatariak lanean. Hortaz, honako ordutegi hauetan erosi ahalko dituzte herritarrek arrainak, okelak, txarkuteria, eta bestelako hamaika produktu gourmet:

Toñi arraindegia goizez egongo da zabalik, 8:00etatik 14:30ak arte.
Ana Mari harategiak ere goizean irekiko du, 8:30etatik 14:00ak arte.
Mari Paz urdaitegian, aldiz, uztailean goizez zein arratsaldez egin ahal izango dira erosketak. Goizean 8:00ak eta 14:00ak bitartean, eta 17:00etatik 20:00etara, arratsaldez. Abuztuan hasiko dira goizeko jardunarekin.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide