Baserri baten txabola suntsitu zuen suak ostiralean Laudion

Erredakzioa 2024ko uzt. 17a, 12:30
Deskargatu Info Ahotsak :

Suhiltzaleen esku-hartzearen irudia./ Arabako Suhiltzaileak

Ostiraleko gauerdian izan zen ezbeharra eta inork ez bazuen zauririk izan ere, barruan zeuden lanabes guztiak txikitu zituen suak.

Ostiraleko gauerdian sua piztu zen Laudioko Larra auzuneko baserri baten etxolan. Suhiltzaileak heldu zirenerako sugarrak oso zabalduta zeuden eta, ondorioz, ezin izan zuten ekidin barruan zeuden gauzak erretzea -traktore bat barne-.

Egitura bera ere nahiko kaltetu zen eta zenbait habe tolestu ziren. Hori bai, bizilagunek ez zuten zauririk pairatu.

Berez, Laudioko eta Langraitzeko suhiltzaileak mobilizatu zituzten eta hasierako esku-hartzeak gaueko 04:00ak arte iraun zuen. Behin hori bukatuta, talde bat geratu zen eguerdira arte, tokia ureztatzen noizero.

Suhiltzaileen parkeko telefonoak ez daude erabilgarri

Suhiltzaileen parkean egiten ari diren lanen ondorioz, lantokia Gardeara mugitu dute, baina orain arte eskuragarri zeuden telefono finkoak ez daude funtzionamenduan jadanik. Hortaz, edozein larrialdi egonez gero, onena da zuzenean 112 telefono zenbakiarekin harremanetan jartzea.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide