Bilboko ZIU mugikorra etorri behar izan da bihotzeko bat eta bihotz-gelditze bat artatzera, Laudiokoan medikurik ez zegoelako

Txabi Alvarado Bañares 2024ko abuztuaren 23a
Deskargatu Info Ahotsak :

Hainbat ekimen egin dira eskualdean azken hilabeteetan mediku gabezia salatzeko. / Aiaraldea.eus

Gaur gauean jazo dira bi gertaerak. Osasun langileek salatu dute minutu oro berebizikoa dela horrelako kasuetan.

Ez da medikurik egon ostegunetik ostiralera bitarteko gauean Laudioko Zainketa Intentsiboetarako Unitate (ZIU) mugikorrean, eta horrek ondorio zuzenak izan ditu. Hala adierazi diote zenbait osasun langilek Aiaraldea Komunikabideari, eta bi kasu zehatz aipatu dituzte. 

Alde batetik, gizon batek bihotzekoa izan du eta Bilboko ZIU mugikorra iritsi arte itxaron behar izan du. Osasun langileek nabarmendu dute horrelako kasuetan minutu oro dela berebizikoa, geroz eta denbora gehiago pasatu orduan eta sekuela gehiago geratu daitezkeelako bihotzean. 

Bestetik, beste gizon batek bihotz-gelditze bat izan du bere etxean, eta kasu horretan ere Bilboko ZIUa joan behar izan da bera artatzera. 

Mediku gabezia nahiko arazo kronikoa bilakatzen ari da uda honetan Aiaraldean. Iragan astean 24 mediku txanda zeuden betetzeke Laudio eta Amurrioko Etengabeko Arreta Guneetan abuztu eta irailerako.

Osasuna Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide