Erroketxu erreta agurtu dituzte Laudioko jaiak

Txabi Alvarado Bañares 2024ko abuztuaren 26a

Ehunka lagunek parte hartu zuten atzo gauean festari amaiera emateko kalejiran.

Amaitu dira Laudioko jaiak. Atzo gauean ehunka lagun bildu ziren Erroketxuren kalejiran. Herriko plazan amaitu zuten ibilbidea; eta bertan, ohikoan bezala, su eman zioten San Roke santuaren txakurra irudikatzen duen panpinari.

Hori baino lehen, baina, musikari eman zioten tartea. Alde batetik, aurtengo azken notak eskaini zituzten gaiteroek, pregoilari gisa bete duten lana borobilduz. Bestetik, txakurraren omenez kantatu zuten herritar guztiek batera. Iaz sortu zuten kantua, Agure zaharra abestiaren doinua baliatuta:

Beste jai batzuk joan dira
kalean ospatuta,
ta Erroketxu etorri da
agurra jasotzera.

Altxa kandelak eskutan
suak argitu dezan
tristura ta pena
ordez plaza osoa dantzan.

AGUUUUUUR LAUDIOKO JAIAK,
BESTE URTE BAT PASA DA
ZAHAR EDO GAZTE, LAUDIOARREK,
GOZATU DITUGUNAK.

HURRENGOEN ZAIN BAGERA
EMAN DIEZAGUN ITXIERA
DENOK BATERA, PUTZ EGIN
TA KANDELAK ITZALITA!

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide