Ostiraleko 21:00etan abiatu zuten 8 Mila Bihotzez ekimena Aldai plazan, sortzetiko kardiopatien elkartea babesteko. Egitasmoaren alde nabarmena izan zen Goikoganeko tontorrera igotzeko hainbat herritarrek egindako ahalegina. Izan ere, orduro atera zen plazatik talde bat mendirantz, nahiz eta gauean euri-jasa egon.
Herriko kirol elkarte ugari batu ziren igoerara eta 11:30ean izan zen azkena. Ezina Ekinez Egina taldeak 8 urteko ume bati lagundu zion lehenengo aldiz tontorrera eta jaitsieran jendetza izan zuten zain erronka amaitzeko. Spiderabel Fernandezen urtebetetzea zela baliatu zuten omenaldi txikia egiteko.
Goizean tailerrak, azoka eta elkartasun ekimenak antolatu zituzten eta gero herri bazkariaren ordua heldu zen.
Bihotzez elkarteak azaldu duenez, 7.000 euro inguru bilduko ditu elkarteak sortzetiko kardiopatien kontra jarduten jarraitzeko.
Argazkiak: Bihotzez, Naia Vallejo, Txabi Alvarado, Aitor Aspuru
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide