Lehiaketaren helburua izan da heriotzaren tabuari aurre egitea eta Derioko hilerriaren ondarea ere erakustea. 500 euroko saria jaso dute sei egunetan sortutako Zigor Heriotza filmagatik.
Javi Gil zuzendariak eta bere taldeak (Ruben Ladrón de Gebarak, Borja Pelaezek, Estibaliz Flechak eta Esti Molerok) Bilboko Hilerriko Film Laburren I. edizioko bigarren saria eskuratu zuten ostiralean.
Guztira hamabost taldek parte hartu zuten lehiaketan eta sei egun izan zituzten pelikulak ekoizteko. Irailaren 20tik 23ra bitartean grabaketak egin zituzten eta 23tik 26ra, aldiz, muntaketa. 27an izan zen sari banaketa eta laudioarrek 500 euro irabazi zituzten, bigarren postuan amaituta.
Lehiaketaren helburua bazen heriotzaren inguruan dagoen tabuaren aurka egitea eta, aldi berean, Derioko hilerriko ondarea ikusaraztea, gizarteak bere egin dezan beste edozein leku bezala. Horretarako, Laudioko taldeak umore beltzaren bidea hartu eta Zigor Heriotzaren (hau da, heriotzaren) istorioa kontatu zuten, Bilboko hamaika erreferentzia baliatuta.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
