Erasmus+ programan parte hartzen ari diren gazteek bizipen bitxia izan zuten atzo. Lehenik eta behin, Causey Farm bisitatu zuten, Irlandako baserrien bizimodua ezagutzeko. Hango abereak ikusi ondoren, soda ogia egin zuten eta, amaitzeko, dantzaldia izan zuten. "Irlandar dantzak dantzatu ditugu. Are gehiago, gure ikasleak animatu egin dira eta euskal polka dantzatu dute irlandar abestiaren doinuaz. Oso polita izan da valentziar eta irlandar ikasle askok polka dantzatzeari ekin diotelako", azaldu dute irakasleek.
Bazkalostean 'bog jumping' edo lokatzan salto egitera joan dira. Jarduera horretan lokatza aurrean izanda, salto egin behar da hankak gorantza eramanez, ipurdikoz jausteko. Guztiek hartu dute parte eta esperientzia oso berezia izan da, irakasleen hitzetan: "Orokorrean ondo pasa eta barre egin dute".
Horrez gain, laster iritsiko denez irlandar jatorria duen Halloween ospakizuna, 'Pharmafobia' edo labirinto beldurgarri eta iluna zeharkatu dute.
Argazkiak: Laudio Institutua
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide