Dublinen egindako bisitarekin esan diote agur Irlandari Erasmus+ programako ikasleek

Erredakzioa 2024ko urriaren 10a
Deskargatu Info Ahotsak :

Asteartea izan zen Laudio Institutuko ikasleek igarotako azken egun osoa Irlandan. Erasmus+ programari esker aritu dira herrialdea bisitatzen. Dublinen bisita egin zuten Trinity Collegeko Old Library ezagutzeko.

Laudio Institutuko ikasleak etxean daude jadanik, atzo itzuli baitziren Erasmus+ programaren bidez eginiko bidaiatik. Edonola ere, Irlandan igarotako azken egun osoa asteartea izan zen. Hori dela eta, hango kideekin eta Valentziakoekin ere Dublinera jo zuten, Trinity Collegeko Old Library ikusteko. Han IX. mendeko Book of kells pieza dago.

Hori gutxi balitz, tokiak Harry Potteren filmetan agertzen den liburutegiaren antza dauka eta Book of kells experience izan zuten. Horren ondoren, Dublin ezagutzera atera ziren eta bi orduko tartea izan zuten hiriburuan barrena ibiltzeko, erosketa batzuk egiteko eta hango gastronomia dastatzeko.

Dublin atzean utzita, eskolara joan ziren eta maletak prestatu zituzten euren harrera familiekin, atzo baitzuten hegaldia Euskal Herrira itzultzeko.

Argazkiak: Laudio Institutua

Hezkuntza Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide