Azaroaren 6an, 18:00etatik aurrera, Amukatu elkarteak, gaur arte herriko katu kolonien zaintza eta erregistroa kudeatu duen erakundea, hitzaldi bat eskainiko du bere lana ezagutarazteko eta pertsona bolondres berriak erakartzeko. Saioa, Laudioko Udalarekin elkarlanean antolatuta, Herriko Plazako erabilera anitzeko aretoan izango da.
Bileran Amukatu elkarteak Udalarekin elkarlanean burututako zeregin guztiak azalduko dira, aurrerantzean herriko katu kolonien ardura hartuko duten pertsona bolondresek egin beharreko lana alegia.
Animalia hauen ongizatea zaindu eta proiektu honen parte izan nahi duten pertsonek izena eman ahal izango dute azaroaren 1era arte gizartearloa@laudio.eus helbidera idatziz, 944034840 telefonora deituz, edo modu presentzialean HAZen edo Gizarte Kohesioaren arloan (2. solairua). Eman beharreko datuak izen-abizenak, telefonoa eta helbidea izango dira.
Etxeko animaliak identifikatzea
Bestalde, Euskal Autonomia Erkidegoko Albaitarien Kontseiluak beste komunikazio-kanpaina bat abiarazi du txakurrak, katuak eta hudoak identifikatzeko betebeharrari buruz informatzeko, etxeko animalien segurtasunerako.