Oraindik ez da ofiziala baina, zenbait hedabidek aurreratu dutenez, Antonio Aiz izango da Bilboko Portuko zuzendari nagusi berria. Iturri horien arabera, politikari laudioarrak datorren astean hartuko du kargua, URA agentziako zuzendari moduan lau urte igaro eta gero.
Aizek ibilbide luzea egin du politikan eta kargu publikoetan. Laudioko alkatea izan zen 1991 eta 1997 urteen artean. Urte horretan kargua utzi behar izan zuen epaitegien aginduz, Herri Batasunako zinegotzi bati udal langileen nominen gaineko informazioa ukatzeagatik. 2005etik 2013ra Euskal Trenbide Sareko idazkari nagusia izan zen. Ondoren, Eusko Jaurlaritzako Garraio eta Azpiegitura sailburuorde izan zen 7 urtez, 2020an URA agentziako ardurak hartu zituen arte.
Orain, Carlos Alzagaren lekukoa hartuko du Aizek. Alzagak martxoan utzi zuen portuko zuzendaritza, Bizkaiko Foru Aldundiko Azpiegituretarako eta Lurralde Garapenerako Saileko diputatua izatera igarotzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
