EAJko Laudioko udal taldeak prentsa oharra plazaratu du kritikatzeko EH Bilduk 2025erako proposatu duen zerga eta tasa igoera. Hain zuzen, koalizioak %2,3ko goranzko aldaketa orokorra egikaritu nahi du eta jeltzaleek uste dute "gehiegizkoa dela eta ahalegin fiskal neurrigabea dela familia laudioarrentzat".
EAJk aipatu du Udalak hondakinen bilketaren tasa %50 garestitu beharko duela araudi europarra betetzeko eta hori orekatzeko, beste tasa eta zergen igoera neurritsuagoa izan beharko litzatekela. Jeltzaleen aburuz, garestitze horrek familia ahulenei eta merkataritzari, ostalaritzari eta industria txikiari eragingo die.
Horrez gain, Ander Añibarro jeltzaleak aipatu du: "zerga-sistema bidezkoagoa eta progresiboagoa sortzea planteatu dugu, familien ahalmen ekonomikoa kontuan hartuko duena, baliabide gutxien dituzten laudioarrak karga fiskalek ito ez ditzaten. Funtsezkoa da zerga-sistema bidezkoa izatea eta gure udalerrian gehien behar dutenak babestea". Halaber, Añibarrok kritikatu du EH Bilduk alderatu duela euren ekarpena.
Aiaraldea Komunikabidea harremanetan jarri da udal gobernu taldearekin eta prentsa kabineteak azaldu du udalbatzaren ostean adierazpenak egingo dituela.