Laudion xakeari bultzada emango diote azarotik aurrera, ostiralero ateak irekitzen eta klaseak eskaintzen

Aitor Aspuru Saez 2024ko urriaren 23a

Laudio Xake Kirol Klubak antolatutako jardueretako bat.

Laudio Xake Kirol Klubak bi ekimen abiatuko ditu azaroan jokalari gehiago erakartzeko. Alde batetik, ateak irekiko ditu ostiralero. Bestetik, klaseak eskainiko dituzte.

Xakea biziberritzea izango da Laudioko klubaren helburua azarotik aurrera. Horretarako bi egitasmo iragarri dituzte. Hasteko, ostiralero elkarteak ateak irekiko ditu Lamuzako liburutegi ohian eta nahi duenak jokatzeko parada izango du. 18:30ean ekingo diote 20:30ak arte. Interesdunek ere bere lehen esperientzia izan dezakete xakearekin, horrela nahi izanez gero.

Horrez gain, laudioarrek klaseak emango dituzte hurrengo hilean eta jasotzen dituzten eskaeren arabera antolatuko dituzte ikasleak taldeka.

Halaber, abenduan bazkideen arteko txapelketa deitzea aurreikusi dute.

Amurrio erreferente

Laudioko klubak Amurrioko eredua jarraitu nahi du proposamen horrekin. Amurrioarrek 45-50 kide biltzea lortu dute, lau klase taldeetan banatuta: bi umeentzat, eta bana helduentzat eta erretiratuentzat.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide