Abenduaren 15ean, igandea, egingo dute Altzarrate Sariak banatzeko ekitaldiaren IX. edizioa. 18:00etan hasiko da Lamuza Parkeko Kasinoan eta, ohi bezala, Laudioko kirola eta kultura esparruan aritzen diren bost lagun omenduko dituzte.
Gogoratu beharra dago CD Laudio babesten duen jarraitzaile taldea dela Altzarrate eta, horregatik, hain zuzen, lehenengo saria futbol klubari lotutakoa dela. Miguel Angel Yusteri emango diote aitortza hori. Yuste klubeko kidea da, lehen taldea entrenatu zuen 2019/2020 denboraldian, baina hainbat ardura izan ditu.
Ibilbidearen aitortza Nuria Larrinagarentzat izango da. Larrinaga Laudioko hockeyaren esparruan ikurra izan da, eta jarraitzen du izaten.
Kulturaren saria Antonio Oyarzabalen esku geratuko da. Londresen bizi den laudioarra nazioarteko pianojole ezaguna da.
Urteko kirolari onena Arkaitz Eskuza izendatuko dute. Izan ere, kategoria profesionalean aritzen da laudioarra.
Azkenik, Andere Abesbatzari emango diote Altzarrate Sari Berezia.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
