Kultur sorkuntza Aiaraldean

Josu Ortiz Delgadok 'The Himalayas Suite' obra lehen aldiz zuzenduko du Leonen

Oihane Ozaeta Fernandez 2024ko abe. 13a, 12:51

Josu Ortiz Delgado, artxiboko irudi batean. / Aiaraldea.eus

Askotan saritua eta interpretatua izan da Ortiz Delgadoren lan hori. La Pamplonesa musika bandak ere otsailaren 9an Gayarre Antzokian interpretatzeko aukeratu du.

Oso pozik agertu da Josu Ortiz Delgado musika zuzendari laudioarra. Izan ere, askotan saritua eta interpretatua izan ondoren, The Himalayas Suite pieza lehen aldiz zuzentzeko "ohorea" izango du.

Igande honetan, abenduaren 15ean, Leongo Hiriko Auditorioan izango da, arratsaldeko 19:00etan. Leku berean ere interpretatu zuten azaroaren 17an.

Kontzertu-denboraldiaren barruan, "BAE Abesbatzen XXVIII. Konposizio Lehiaketa —BBK Sari Nagusia" lehiaketako epaimahaikide izan ondoren, Gabonetako bost kontzertu zuzentzen arituko da laudioarra.

'The Himalayas Suite' obra

Josu Ortizek Global Music Awards sarietan zilarrezko aipamena eskuratu zuen 2023an. Laudioko musikagileak konposizio klasikoko kategorian aurkeztu zuen berak sortutako The Himalayas Suite piezaren bideoa, Bilboko Udal Musika Bandak interpretatuta, eta zilarrezko saria jaso zuen.

2017an konposatu zuen obra. Bilboko Juan Crisostomo de Arriaga kontserbatorioan gradu profesionaleko bosgarren mailan zegoelarik, eta orkestra sinfonikorako eta korurako idatzi zuen The Himalayas Suite. Urte horretako maiatzean estreinatu zuen obra kontserbatorioan bertan.

Gerora, pieza bera bandarekin interpretatzeko aukera luzatu zioten eta orduan egokitu zuen banda sinfonikorako eta korurako. Laudioko Udal Bandarekin estreinatu zuen, 2018ko Gabonetako kontzertuan. Geroztik, askotan saritua eta interpretatua izan da.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide