Ugarteko II. San Silbestrea lehiatuko da abenduaren 31n 17:15ean, Ugarteko Gazteak taldeak antolatuta, eta Laudioko Udalak, Laudio Atletismo Taldeak eta Ugarteko Auzolan elkarteak lagunduta.
Jadanik 240 kirolarik eman dute izena (40 umeak dira) eta inskripzioa betetzeko aukera gaur bertan agortuko da. 6 euro balio du eta Zuentzaten, Gorka Tabernan, Ugarte Tabernan, El Pozo Tabernan eta Ugarteko kioskoan egin daiteke.
Ibilbidea erraza izango da: auzuneko plazatik abiatu, Lamuza plazaraino heldu eta Ugarte plazan amaituko da, Lamuza parkea zeharkatuta. Hiru aldiz bete beharko dute helduek zirkuitua.
Gogoratu beharra dago, dena den, Ugartekoa dela San Silbestre gazteena eskualdean, Orozkon eta Urduñan ere egiten baitituzte aspaldidanik. Orozkokoa duatloia da eta 16:00etan hasiko da Zubiaur plazan. Urduñakoa, aldiz, 18:00etan Foru plazan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
