Lapurreta saiakera gertatu da gaur goizean Laudioko Tubacex enpresako lantegian

Erredakzioa 2025eko urtarrilaren 28a
Deskargatu Info Ahotsak :

Laudioko lantegian izan da lapurreta saiakera. / Aiaraldea.eus

5:45ean jaso du deia Ertzaintzak eta lantegira bertaratu da. Lapurrek ihes egitea lortu dute, baina polizia gertatutakoa ikertzen ari da.

Gaur goizeko txanda aldaketa gorabeheratsua izan dute Tubacex enpresako langileek Laudioko fabrikan. Izan ere, lanpostura jo dutenak ezin izan dira sartu, barruan lapurrak zeudelako.

Berez, Tubacex konpainiako azpiegituretan ezezagunak zeudela konturatu direnean, enpresak ateak itxi ditu eta lapurrak barruan geratu dira harrapatuta. Azkenean, oinez ihes egin behar izan dute.

Dena den, lekukoek azaldu dutenez, euren ibilgailua barruan geratu da eta Ertzaintzak arakatu du. Poliziak berak azaldu du, momentuz, ez duela informazio gehiago eskainiko, ikerketa abian jarri dute eta.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide